গুৱাহাটী বিশ্ববিদ্যালয়ত “শোক দিৱস” পালন

 

গুৱাহাটী ১৬ আগষ্ট: গুৱাহাটী বিশ্ববিদ্যালয়ে আজি ১৬ আগষ্ট, ২০২৬ তাৰিখে বিশ্ববিদ্যালয়ৰ প্ৰশাসনিক ভৱনৰ সন্মুখত গভীৰ শ্ৰদ্ধা আৰু গাম্ভীৰ্যপূৰ্ণভাৱে “শোক দিৱস” পালন কৰে। ২০০৪ চনৰ ধেমাজি বোমা বিস্ফোৰণ আৰু অন্যান্য উগ্ৰপন্থী হিংসাত্মক কাৰ্যত প্ৰাণ হেৰুওৱা নিৰীহ শিশু তথা নাগৰিকসকলৰ পৱিত্ৰ স্মৃতিত এই দিৱস পালন কৰা হয়।

অনুষ্ঠানত উপস্থিত সদস্যসকলে গুৱাহাটী বিশ্ববিদ্যালয়ৰ বিশ্ববিদ্যালয় শ্ৰেণীসমূহৰ সচিব ড° ৰঞ্জন কুমাৰ কাকতিৰ নেতৃত্বত সন্ত্ৰাসবাদ আৰু হিংসাৰ বিৰুদ্ধে শপত গ্ৰহণ কৰে।

অনুষ্ঠানত ছাত্ৰ কল্যাণৰ উপ-সঞ্চালক ড° কুলদীপ পাটগিৰি, নিৰাপত্তা বিষয়া শ্ৰী পংকজ কলিতা, পিজিএছইউৰ সভাপতি শ্ৰী গুঞ্জন ডেকা, পিজিএছইউৰ সাধাৰণ সম্পাদক শ্ৰী প্ৰবাল জ্যোতি শৰ্মা, বিশ্ববিদ্যালয়ৰ কৰ্মচাৰী আৰু ছাত্ৰ-ছাত্ৰীসকলে অংশগ্ৰহণ কৰে।

শ্বহীদসকলৰ স্মৃতিত এক মিনিট মৌনতা অৱলম্বন কৰা হয় ।  নিহতসকলৰ প্ৰতি সন্মান জনাই ৰাষ্ট্ৰীয় পতাকাও অৰ্ধনমিত কৰি ৰখা হয়।

এই শোক দিৱস পালনে শান্তি, একতা, সম্প্ৰীতি আৰু হিংসামুক্ত সমাজ গঢ়ি তোলাৰ বাবে আমাৰ সামূহিক প্ৰতিশ্ৰুতিক পুনৰ দৃঢ় কৰে।