২০২৬ - ২৭ শিক্ষাবৰ্ষৰ নামভৰ্তি সম্পৰ্কে গুৱাহাটী বিশ্ববিদ্যালয়ৰ স্পষ্টীকৰণ

গুৱাহাটী, এপ্ৰিল ১১, ২০২৬ : শেহতীয়াকৈ ২০২৬–২৭ শিক্ষাবৰ্ষৰ নামভৰ্তি সম্পৰ্কে Education Duniya নামৰ এটা শিক্ষা প’ৰ্টেলত কিছু বিভ্ৰান্তিকৰ তথ্য প্ৰচাৰ হোৱা সন্দৰ্ভত গুৱাহাটী বিশ্ববিদ্যালয়ে নিজৰ স্থিতি প্ৰকাশ কৰিছে। উক্ত প্ৰসংগত বিশ্ববিদ্যালয়ে বিষয়টো স্পষ্ট কৰি জনাইছে যে নতুন শিক্ষাবৰ্ষৰ নামভৰ্তি সম্পৰ্কে বিশ্ববিদ্যালয়ৰ ফালৰ পৰা এতিয়ালৈকে কোনো ধৰণৰ আনুষ্ঠানিক বিজ্ঞপ্তি প্ৰকাশ কৰা হোৱা নাই।

বিশ্ববিদ্যালয়ৰ কর্তৃপক্ষই এই সন্দৰ্ভত জনায় যে উক্ত প’ৰ্টেলৰ জৰিয়তে প্ৰচাৰিত তথ্যসমূহ বিশ্ববিদ্যালয়ৰ দ্বাৰা অনুমোদিত নহয় আৰু ই বিশ্ববিদ্যালয়ৰ আনুষ্ঠানিক স্থিতিক প্ৰতিফলিত নক

উক্ত ঘটনাৰ ফলত শিক্ষাৰ্থী আৰু অভিভাৱকৰ মাজত সৃষ্টি হোৱা বিভ্ৰান্তিৰ প্ৰতি লক্ষ্য ৰাখি বিশ্ববিদ্যালয়ে ২০২৬ - ২৭ শিক্ষাবৰ্ষত স্নাতক (UG) পাঠ্যক্ৰমত নামভৰ্তি কৰিব বিচৰা সকলো আবেদনকাৰীক কেৱল বিশ্ববিদ্যালয়ৰ আনুষ্ঠানিক ঘোষণা আৰু বিশ্বাসযোগ্য উৎসৰ ওপৰতেই নিৰ্ভৰ কৰিবলৈ আহ্বান জনাইছে।

নামভৰ্তি সম্পৰ্কীয় সকলো গুৰুত্বপূৰ্ণ ঘোষণা, যাৰ ভিতৰত Common Admission Portal-ৰ সৈতে জড়িত তথ্যসমূহো অন্তৰ্ভুক্ত থাকিব, সেইয়া যথাসময়ত অসম চৰকাৰৰ উচ্চ শিক্ষা বিভাগ আৰু গুৱাহাটী বিশ্ববিদ্যালয়ৰ আনুষ্ঠানিক ৱেবছাইটৰ জৰিয়তে প্ৰকাশ কৰা হ’ব।

বিশ্ববিদ্যালয়ে পুনৰ স্পষ্টকৈ উল্লেখ কৰিছে যে নামভৰ্তি প্ৰক্ৰিয়াৰ সৈতে জড়িত সকলো তথ্য স্বচ্ছতা আৰু প্ৰমাণৰ সৈতে জনসাধাৰণৰ আগত উপস্থাপন কৰাত গুৱাহাটী বিশ্ববিদ্যালয় সদায় প্ৰতিশ্ৰুতিবদ্ধ। সেয়েহে বিশ্ববিদ্যালয়ে সকলো সংশ্লিষ্ট পক্ষক কোনো ধৰণৰ অপ্ৰমাণিত বা বিভ্ৰান্তিকৰ তথ্যত বিশ্বাস নকৰি কেৱল চৰকাৰী আৰু আনুষ্ঠানিক উৎসৰ জৰিয়তে প্ৰকাশিত তথ্যসমূহত বিশ্বাস কৰিবলৈ অনুৰোধ জনাইছে।