গুৱাহাটী ,২৭ অক্টোবৰ : মুম্ব সাহিত্য সভাৰ স্বৰ্ণ শাখাৰ এখন সভা ২৫ অক্টোবৰৰ দিনা সন্ধিয়া গুগুল মীটৰ জৰিয়তে 'চিনাকি পৰ্ব' শীৰ্ষক এখন সভা অনুষ্ঠিত হৈ যায়। উল্লেখ্য যে অনুষ্ঠানটোত যিসকল শিল্পী, সাহিত্যিক, সমাজসেৱীয়ে সমাজলৈ স্বাৰ্থহীন ভাবে আগবঢ়াই আহিছে সেই সকলৰ প্ৰতি জীৱিত অৱস্থাতে সন্মান প্ৰদৰ্শন কৰিবলৈ 'চিনাকি পৰ্ব' অনুষ্ঠানটো আৰম্ভ কৰা হৈছে। অনুষ্ঠানত প্ৰথমজন অতিথি আছিলে প্ৰখ্যাত অভিনেতা, শিল্পী বীৰেণ হাজৰিকাক সম্বৰ্ধনা জনোৱা হয়।
আনহাতে সভাপতি হিৰণ ভূঞাই সভাপত্বিত কৰা অনুষ্ঠানটোত ভাৰ্চুৱেলী ভাগ লয় অসম সাহিত্য সভাৰ মূখ্য সম্পাদক দেৱজিৎ বৰাই । আহ্বায়ক উত্তম দাসৰ দায়িত্বত কথোপকথনৰ আঁত ধৰিছিল সহকাৰী সম্পাদক মৌচুমী দাসে। অনুষ্ঠানত কবিতা পাঠ কৰে সদানন্দ গগৈ, দেৱীকা বৰপূজাৰী, গৌৰী চুবেদাৰ বৰা আৰু হিৰণ ভূঞাই । গুৱাহাটীৰ পৰা সংগীত পৰিবেশন কৰে দুই ভগ্নী বন্দিতা বৰুৱা আৰু প্ৰাপ্তি বৰুৱাই । অনুষ্ঠানটোত মুম্বাই সাহিত্য সভা স্বৰ্ণ শাখাৰ সদস্য সকলৰ লগতে অসম তথা দিল্লী আৰু আমেৰিকাৰ পৰাও শুভাকাংক্ষীয়ে উপস্থিত থাকি উৎসাহিত কৰিছিল । গুগুল মীটৰ সকলো কাৰিকৰী দিশ পৰিচালনা কৰিছিল সম্পাদক দীক্ষা পাঠক খাটনিয়াৰে।
No comments:
Post a Comment