ঐন্দ্ৰিলা দাসে একক ভৰতনাট্যম নৃত্য অনুষ্ঠান “নৃত্য সন্ধ্যা”ত উজ্বল প্ৰকাশ পেলালে মাধৱদেৱ অডিটৰিয়ামত

 

গুৱাহাটী, ২০ অক্টোবৰ: শ্ৰী শ্ৰী মাধৱদেৱ অন্তৰাষ্ট্ৰীয় প্ৰেক্ষাগৃহৰ মঞ্চটো যেতিয়া ভৰতনাট্যমৰ তাল, লয়, ভাৱ আৰু ভক্তিত জুৰি উঠিল, তেতিয়া মঞ্চৰ কেন্দ্ৰবিন্দু হৈছিল মঞ্জৰী ডান্স একাডেমীৰ ছাত্ৰী যুৱ নৃত্যাংগনা ঐন্দ্ৰিলা দাস। তেওঁৰ একক ভৰতনাট্যম পৰিবেশন “নৃত্য সন্ধ্যা” নামৰ অনুষ্ঠানটোৱে ভাৰতিৰ শাস্ত্ৰীয় নৃত্যকলা প্ৰতি এক সুন্দৰ সন্মান জ্ঞাপন কৰিলে।

এই মনোমোহা অনুষ্ঠানটোৰ কোৰিয়োগ্ৰাফি আৰু পৰিচালনা কৰিছিল খ্যাতনামা ভৰতনাট্যম শিল্পী বইভব আৰেকৰ দেৱে। তেওঁৰ শিল্পনৈপুণ্যৰ নির্দেশনাত অনুষ্ঠানটোৱে গভীৰতা আৰু নিখুঁততাৰে পূৰ্ণতা লাভ কৰে। লাইভ সংগীতৰ সৈতে হোৱা এই নৃত্য উপস্থাপনাটোৱে এক সজীৱ সুৰেলা পৰিৱেশ সৃষ্টি কৰিছিল। বেংগালুৰুৰ কাৰ্তিক হেব্বৰ, গানেৰে, মুম্বাইৰ  শ্ৰীমতী ৰুতা গোখলে, কলকাতাৰ  শ্ৰী শঙ্কৰ নাৰায়ণ স্বামীয়ে মৃদংগত আৰু শ্ৰী আনন্দ জয়ৰাম বাইলনত সংগীত সহযোগ জুগাইছিল। তেওঁলোকৰ একত্ৰ সুৰ আৰু তাল ঐন্দ্ৰিলাৰ নৃত্যভংগীক অধিক আকর্ষণীয় কৰি তুলিছিল।

অনুষ্ঠানখনৰ শ্ৰোতৃবৰ্গৰ মাজত উপস্থিত আছিল ভাৰতীয় শাস্ত্ৰীয় নৃত্যজগতৰ কেইবাজনো দিগন্তপ্ৰসারক ব্যক্তিত্ব—পদ্ম বিভূষণ শ্ৰী যতীন গোস্বামী, পদ্মশ্ৰী শ্ৰী  ঘনকান্ত বৰা বৰ বায়ন, শ্ৰীমতী ৰঞ্জুমনি শইকীয়া, অনিতা শৰ্মা, আৰু শ্ৰীমতী অঞ্জনাময়ী শইকীয়াৰ  লগতে গুৱাহাটীৰ বহু প্ৰসিদ্ধ নৃত্য শিল্পী উপস্থিত থাকে। সকলোৱে এই সন্ধ্যাত সন্মান গ্ৰহণ কৰে আৰু ঐন্দ্ৰিলাক আশীৰ্বাদ জনায়ে তেওঁৰ ভবিষ্যৎ শিল্প-যাত্ৰাৰ সফলতাৰ বাবে।

ঐন্দ্ৰিলাৰ নৃত্যৰ প্ৰশংসা কৰিছিল সকলো উপস্থিত দর্শকে। তেওঁৰ পৰিবেশনত নিখুঁত “নৃত্ত”ৰ গতিময়তা আৰু “অভিনয়”ৰ ভাব প্ৰকাশ দুয়োটাই একে সময়তে প্ৰকাশ পাইছিল। মঞ্চত তেওঁৰ আত্মবিশ্বাস, শাৰী-ভঙ্গীমা আৰু নৃত্যৰ পূৰ্ণ ৰিপাৰটোত থকা দখলে তেওঁৰ কঠোৰ সাধনা আৰু গভীৰ নিষ্ঠাৰ প্ৰতিফলন ঘটাইছিল।

শ্ৰীমতী  তটিনি দাস আৰু শ্ৰী বইভব আৰেকৰৰ ছাত্ৰীৰূপে ঐন্দ্ৰিলা দাস ডা. মানস দাস আৰু শ্ৰীমতী তটিনি দাসৰ কন্যা। তেওঁ দিল্লী পাব্লিক স্কুল, গুৱাহাটী-ৰ ছাত্ৰী। “নৃত্য সন্ধ্যা” অনুষ্ঠানটোৱে তেওঁৰ নৃত্যপ্ৰতিভা আৰু প্ৰযুক্তিগত নিপুণতাৰ প্ৰদৰ্শন কৰাৰ লগতে তেওঁৰ শিল্পজীৱনৰ এক নতুন মাইলষ্ট’ন হিচাপে পৰিগণিত হ’ল।