পাণ্ডু সদিলাপুৰ শাখা ডাক ঘৰত এটা নতুন পোষ্ট বক্স স্থাপন

 
  গুৱাহাটী ,২৫ নৱেম্বৰ :  মহাবীৰ  লাচিত বৰফুকনৰ পবিত্ৰ দিবসৰ লগত সংগতি ৰাখি ২৪ নৱেম্বৰত ভাৰতীয় ডাক বিভাগৰ অধীনত গুৱাহাটীৰ  পাণ্ডু সদিলাপুৰ শাখা ডাকঘৰৰ সন্মূখত এটা নতুন পোষ্ট বক্স স্থাপন কৰা হয়। দিনৰ ১১ বজাত এখন চিঠি  ভৰাই পোষ্ট বক্সৰ শুভাৰম্ভ কৰে বৃহত্তৰ পাণ্ডু সদিলাপুৰ জনকল্যাণ সমাজৰ সভাপতি , প্ৰাক্তন ছাত্ৰ নেতা হৃষিকেশ দাসে। এই সন্দৰ্ভত হৃষিকেশ দাসে কয়‌ যে আগৰ তুলনাত বৰ্তমান ভাৰতীয় ডাক বিভাগ উন্নত মানদণ্ডৰ ডিজিটেল মাধ্যমত উপলব্ধ। বাকী বিভাগৰ চিঠি পত্ৰৰ উপৰিও ৰেকাৰিং ডিপোজিত , চেভিংচ একাউণ্ট,  ১০ বছৰৰ তলৰ কন্যা সন্তানৰ বাবে সুকন্যা আঁচনি , আই পি পি বি একাউণ্ট ,  পোষ্টেল লাইফ ইন্সোৰেন্স ইত্যাদিৰে মানুহৰ দুৱাৰে দুৱাৰে সু ব্যৱস্থাৰে ৰাইজক নিৰাপত্ত  দি আহিছে।